Damusnapsur v/tranuberjum

Er tú ikki til teir reinu beisku snapsarnir, so er hetta nokk ein snapsur fyri teg. 
Endiliga ein snapsur, sum smakkar. Ger hann í góðari tíð fyri, at hann skal blíva søtur og liðugur til tíðina :)

Grundin til at eg kalla hendan snapsin fyri ein damusnaps, er tí at hann er søtur. Mannfólk kunnu sjálvandi eisini drekka hann. 

Hetta er uppskriftin, sum eg kom fram á í blaðinum Isabella:

1 kg tranuberjum

saft og skal av 1 øko appelsin

4 dl vodka

4 dl sukur

1 stong kanel

Sker berðini og appelsinina, við skalinum á, í smærri stykkir. Koyr tað í eina stóra krukku saman við øllum hinum. Ryst javnliga og lat tað trekkja í umleið 1 mánaða. Skal standa kalt og myrkt. Sýla áðrenn tað verður stoytt í ein fløsku og borðreið síðani.

Eg broytt eitt sindur upp á uppskriftina. Eg koyrdi bara 200 gr av turkaðum tranuberjum í og eina stóra kanelstong. Vodka er ikki bíligt, tí brúkti eg Drakkar.

Hesin snapsur er góður til øll jólaborðhaldini, sum eru á veg. Av tí at snapsurin skal standa so leingi, er tað gott at byrja nú.
Um tú ikki ynskur, at hann at vera jólaligan ella hevur hug at gera hann aðra tíð av árinum, droppa so appelsin og kanel.

Vit á (táverandi) arbeiðsplássinum fingu gleði av honum til seinasta jólaborðhaldinum :)

Tranuberju fáast til keyps í FK og Bónus (Earth Control, 2 pk upp á tilboð). Drakkar kostar 199 kr í Rúsuni. 

Eg havi sett snapsin inn í køliskápi, har tað er kalt og myrkt. So nú er einki annað hjá mær at gera enn at verða tolin og at rysta tað dagliga.

Tað er skjótt og nemt. Skál og væl gagnist :D 

Takk fyri, at tú læs mín blogg.
Hav ein góðan dag :)

@solmunde

Hvussu eg styli nr. 1 (kjólan)

Eins egni stýlur er tann besti stýlur, ikki so?

Herfyri vísti eg tær kjólan, sum eg keypti frá asos.com og eg visti ikki heilt, hvat eg skuldi seta hann saman við, men eg havi roynt meg.

Hetta er tað sum eg kom fram á.

Kjólin er 1 sindur funky í sær sjálvum, men hetta er 1 meir avslappa set til tá veðrið er gott. Fyri at fáa 1 sindur av liti í looki, havi eg grønt belti og taska og so mínar skríggjandi gulu Nkie Air.

Hetta var eg í, tá ið vit vóru í Marmaris. Ein sær ikki detaljunar á akslunum, men tað bilar ikki. Eg helt, at tað riggaði betur uttan belti í hesum føri. Eg hevði eitt pari av ljósum wedges á (sum eg keypti í Turkalandi í fjør). Teir vóru bíligar, men góðir at ganga í. Jakkin er gamal. Eg minnist ikki, hvar eg keypti hann, men tað var í Føroyum fyri nøkrum árum síðani.

Ein annar møguleiki hevði verið at havt ein cardigan og eina svartar wedgeboots. Hetta kann ein brúka hvønn dag, um ein er djarvur ;)

Ella ein leðurjakka og eina litríka tasku. 

Ella ein cowboyjakka ella cowboywest og eitt par converse fyri 1 avslappa look.

Fyri 1 fínt look, far í ein blazer, kanska 1 leopard-, gull- ella silvurbelti, eina høgir stilettir og eina pena clutch. Í hesum føri valdi eg at vísa tær wedges og ballerinaskógvar og uttan belti.

Takk fyri, at tú læs mín blogg :) 
Hav ein góðan dag. 
@solmunde

Langafríggjadags makeup

Eg veit, at Páskini eru farin aftur um bak og at vit eru komin í mai mánaða, men eg helt, at eg skuldi vísa tær mítt makeup frá Langafríggjadegi.

Á tílíkum døgum og á serligum døgum dámar mær væl at "go all in" við mínum makeup. Tað kann eg ikki hvønn dag uttan eftirfylgir...

Eg vildi ikki, at tað skuldi verða hvønndagsligt makeup, eftirsum tað vóru Páskir og ein skuldi leggja tað til merkis. Eg valdi ein lit (Satin Taupe), sum eg ikki hevði brúkt í langa tíð og mær dámar hann ordiliga væl.

Eisini havi eg skriva hvørja vøru eg havi brúkt.

Á andlitinum:

M.A.C Prep + Prime

M.A.C Select moisturecover concealer (í NW20) 

M.A.C Mineralize foundation (compack í NC20)

NYX HD Photogenic concealer (í CW01 Porcelaine) 

M.A.C Mineralize skinfinish natural powder (í medium)

Elizabeth Arden Bronzing powder duo

Wet 'n' wild blush í Pearlscent Pink

Makeup Store Wonder Powder í Sinai 001 (highlighter)

Á eygnabrýrnum:

The Body Shop Eye Definer Shade Rich Brown (pencil) 

Unique Active eyebrow fix

Á eygunum:

M.A.C Painterly Paint Pot (primer)

M.A.C Satin Taupe e/s

M.A.C Omega e/s

M.A.C Vanilla e/s

Wet 'n' wild Coloricon svørt kohl

Lancome Hypnose maskara

At enda sproytaði eg 1 sindur av Mac Fix + á. Tað setur makeupi.

Øll Mac vøran er keypt á flogvøllinum í Kastrup.

Her sært tú akkurát, hvussu eg gjørdi.

Takk fyri, at tú læs mín blogg :)

Hopi, at tú dámdi hann og hevur tú spurningar, ert tú vælkomin at spyrja:)

Hav ein góðan dag:)

@solmunde

Dramatisk "í býin makeup"

Tað er gott at keða seg av og á...

Fyri nøkrum árum síðani keypti eg ein eygnaskugga frá Makeup Store. Mær dámar væl litin, men eygnaskuggin "creased on me". Tað vil siga, at eygnaskuggin fer av og samlast á eygnalokinum og tað dámar mær ikki.

Anyway, eg helt, at eg skuldi royna hann eina fer enn og hesu fer leggja ein annað lit á áðrenn.

Ein dagin tá eg var sjúk, keddi eg meg so nógv, at eg fór at sminka mær. Tað var langt síðan at eg hevði gjørt nakað dramatiskt og okkurt, sum ein kann brúka til t.d. ein túr í býin. 
So eg fór inn í kamari, í mítt sminkukuffert, fann tað framm, sum eg skuldi brúka og fór so í gongd.

Eg havi gjørt eina myndarøð, so tú kanst fylgja við, hvat eg geri. Listin yvir, hvat eg brúkti er longur niðri.

Tað fyrsta eg geri, er at busta deyða húð av, vaska andlitið og smyrja húðina væl við olju og kremi.

Fyrst smyrji eg primari á. Hetta ger at foundation fer lætt á og at tað sær slættari út. Síðani smyrji ein peach concealara undir eyguni fyri at goyma tað myrka, sum ofta kemur av verða troyttur ella stressaður. Eftir tað leggi eg foundation á og ein ljósari concealer enn foundation, á undir eyguni fyri at gera tað ljósari har. Eingin vil síggja myrkur út undir eygunum!

Fyri at foundationi skal verða verandi á so leingi sum møguligt, leggi eg powder omaná foundationi og concealer. 

So er tíð til at gera skuggar við at bronza. Hetta ger at tú sært klænri út, um tú gert tað rætt.

Fyri at fáa eitt sindur av farvu á kjálkarnar, legði eg blush á. Ein sær so sunnur út við blush á, tó ikki, um ein koyrur óv nógv á.

Fyri at fáa eitt sindur av shine og glow, leggi eg highlighter á hægsta punkt á kjálkunum, eftir nøsini og á mítt "cupids bow", beint yvir varrunum.

So fari eg í gongd við mínar eygnabrýr. Eg greiði tær, fylli tær við eygnaskugganum fyri ikki at hava glopp og set tað við einum eyebrow fix. Her hevði eg bara gjørt eina eygnabrýr fyri at vísa mun. Tað sæst tíverri ikki væl.

Tá eg geri eyguni, leggi eg altíð ein primer á eygnaloki, so eygnaskuggarnir ikki "crease" og so omaná við eygnaskugginum. Fyrst ein ljósari lit. Tú sært beinvegin at eyguni fáa djúpd.
Hetta er faktiskt sami litur, sum eg legði á eygnabrýrnar. Ein litur sum eg brúk nógv.  

Eg leggi ein ljósan lit undir eygnabrýrnum, sum ikki hevur serliga nógv shine í, tí tann myrki eygnaskuggin ger so nógv um seg. Áðrenn eg legði tann myrka litin á, smurdi eg svarta kohlstift á niðri við vippurnar og gnýggjaði hana út og so á við tí myrka litinum, sum er ein olivenbrúnur litur við gull í. Øgiliga flottur litur. Leggur tú svart undir, blívur liturin, sum verður lagdur útyvir, meir intensur.

Eg veit, at tað ikki sær gott út, men tað blívur tað beinanvegin betur, tá kohlstift kemur á. Eg smurdi eitt sindur tunt lag á og smurdi hana út við bustini fyri ikki at hava eina skarpa linju, men eina bleyta.

At enda smurdi eg maskara á og setti eitt par av følskum vippum á. Tað gjørdi eg, tí at tá ein hevur so myrkar eygnaskuggar á, sær ein oftast ikki vippurnar. So misti eg eitt sindur av dagsljósinum, men tað ger kanska ikki so nógv, tá ein hugsar um, at hetta er eitt look til náttarlívi ;)

Hevði eg farið út í býin nú, hevði eg sjálvandi lagt meir bronzara og blush á, tí at annars sá ein tað ikki í barrum og diskotekum vegna ljósinum.

Eg eri klár yvir, at eygnabrýrnar síggja farligar út, men eg havi latið tær veksa, so eg kann fáa tær voksaðar. Eg hevði tíð seinni í vikuni.

Hevði tað verið vikuskifti og eg frísk!

Aftaná 4 1/2 tímar høvdu eygnaskuggin enn ikki "creased"! :)

Til andliti:

M.A.C Prep + prime
Makeup Store liquid foundation (Milk)
NYX Photogenic concealer (porclain)

NYX HD Photogenic concealer (í CW01 Porcelaine) 

M.A.C Mineralize skinfinish natural powder (í medium)

Banana Powder frá Ben Nye

Elizabeth Arden Bronzing powder duo

Wet 'n' wild blush í Pearlscent Pink

Til brýrnar:

M.A.C Omega e/s

Unique Active eyebrow fix

Til eyguni:

M.A.C Painterly Paint Pot (primer)

M.A.C Omega e/s

M.A.C Vanilla e/s

Makeup Store Microshadow Choco D´or

Wet 'n' wild Coloricon svørt kohl

Lancome Hypnose maskara

Ardell Demi Wispies lashes

Eg gloymdi at koyra á varranar. Av tí at eyguni er so dramatisk, hevði eg smurt M.A.C Hue varrastift á og kanska eitt klárt lipgloss.

Takk fyri, at tú læs mín blogg :) 
Hopi, at tú dámdi hetta. Sig mær, hvat tú heldur um hetta step by step myndir.

@solmunde

Hvat var í postkassanum nr. 5, 6 og 7.

Nú er ein tíð farin, síðan eg havi gjørt 1 tílíkt innlegg. Tað merkir ikki, at eg ikki havi keyp nakað ;) 

Eftirsum eg havi fingið 3 pakkar, leggi eg allir saman. Eg minnist tíverri ikki í hvørja rekkjufylgi teir komu í, men sama ger.

Hesin niðurdeilurin er av slagnum Asos og eg keypti hann í std. 12 (40). Eg dámar hann, men eg hevði vilja, at hann var í einum øðrum liti, tí at grátt er ikki mín litur. Kanska eg liti hann.

Hesin toppurin er av slagnum New Look. Hann er std. 12 (40), men hann er petit. Hann er 1 sindur stuttur, men eg brúki hann allíkavæl. Mær dámar hann væl. 

Hesin kjólin er eisini av slagnum Asos og hann er eisini std. 12. Hann hevur 1 sindur niðurringaðan háls og so er tað útskori um akslarnir.
Eg havi tað 1 ringt við at brúka hann, tí at eg eri ikki von við at vísa so nógv av mínum beinum, men eg fari at vera raskari við at brúka leggings ella nylonsokkar saman við. Hann hevur ongan form, so eg komi nokk til at brúka 1 belti við honum.

Hesar deiligu ballerina skógvarnir eru eisini av slagnum New Look og teir eru í std. 5 (38). Teir kundu verið 1/2 nr minni. Mær dámar so væl blondirnar, tí at tær gera skógvarnir femininir og romantiskir.

Alt sum tú sást her, var keypt frá asos.com. 

Eg ætli at vísa tær í einum øðrum innleggi, hvussu eg style klæðini. 

Takk fyri, at tú læs mín blogg :) 
Asos senda ókeypis ;)

@solmunde

Mítt kroppsliga status

Kennur tú til, tá ið ein bara skal taka seg saman og fara at gera tað, sum ein ætlar sær? Grundin til at ein ikki fær tikið seg saman, er nokk tí at viljin ikki heilt er til staðar... 

So eru tað kurar her og kurar der! Nær hava teir rigga? Í tí langa endanum, ongantíð.

Sum barn og ung var eg álaslonk. Eg var altíð aktiv, var nógv úti og eg íðkaði ymskan ídrótt, men tó ikki í senn. 

Tað var ikki fyrrenn eg koma saman við sjeikinum, at eg fór at taka uppá. Har komu 5 kg uppá. Meðan eg gekk á Miðnámskúlanum, tók eg 10 kg uppá og hini 5 kg komu uppá av wienerbreyð og pizza. Tilsamans havi eg tikið 20 kg uppá yvir fleiri ár..! 

Í oktobur í 2011 teknaði eg meg sum lim í Vælveru Fitness gjøgnum arbeiðsplássi hjá mær, við tí endamáli, at eg skuldi ordiliga taka meg saman og fara at venja. Men so langt kom eg slett ikki. 

Eg helt sjálv, at tað var langt úti av mær og eg dámdi ikki, hvussu eg hevði lati meg sjálva farið og hvussu eg sá út kroppsliga! T.v.s at eg havi goldið limagjald í yvir 1 ár uttan at hava verið og vant! Vánaligt av mær, eg veit...

Tað hevði verið so nógv nemmari, at havt onkran við sær, sum skumpaði undir ein og motiveraði ein, men tað hevði eg ikki. 
Eg vandi 1 sindur yvir alt seinasta ár, men tað var ikki nokk til at eg bleiv bitin og hekk í. Eg helt, at eg kundi venja og eta alt, sum eg vildi og fáa gott úrslit, men soleiðis er tað ikki!

Nú kann eg siga, at tann trupulleikan hevði eg! Í januar í ár fekk eg tikið meg saman! Eg hevði enn ongan at koma við mær, men eg fór allíkavæl! Eg fekk rundvísning og 1 program at venja eftir, og so í gongd fór eg. Tað var ringt at byrja, men tað bleiv skjótt ein vani og aftaná 2 vikur sá eg longu mun! So bleiv eg bitin av tí.

Eftir at hava vant í umleið 4-5 vikur, fekk eg ein partnara. Eg var ikki eingongd noydd til at lokka hana, hon vildi tað sjálv. Vit venja 4-5 ferir um vikuna.

Eg gloymdi at taka eina myndir av mær áðrenn eg byrjaði at venja! :(

Myndin til vinstru er tikin í august í 2013. Eg vænti ikki, at tað hevur verið nógvur munur á mær í august 2013 og januar 2014, men tað dugi eg so ikki at siga.

Myndin til høgru er tikin í mars 2014. T.v.s. at uppá 9 vikur (frá eg byrjaði at venja í jan) hevði eg ikki tapt meg nakað serligt í kg, men 21 cm! Persónliga haldi eg, at tað er flott klárað og eg eri stolt av mær sjálvari. Tað sæst týðiligur munur á myndunum.

Tað skal sigast, at eg ikki bara venji, men eg havi broytt lívsstíl. Eg er næstan givin at eta ósunt og góðgæti. Eg haldi tað til eina fer um vikuna! Eg eti ikki eplir. Eg eti bara groft pasta og rís, men ræðuliga sjálvdan. Í staðin eti eg kókað brokkoli, blommkál og gularøtur. 
Sjeikurin væntaði, at hesar matbroytingarnir fóru at ganga útyvir hann og tað vildi hann ikki. Hann hevði ikki hug a eta slankimat og hann byrjaði at taka syld í sær sjálvum. Men hann fann skjótt útav, at tað var ikki so nógv øðrvísi og at tað smakkar væl. Onkrar dagar, tá eg havi havt góða tíð, havi eg gjørt døgurðan uppá 2 ymiskar mátar.

At enda skal eg siga, at um tú ynskir at tapa teg, MÁST tú gevast við at eta alt ósunt. Broyt lívsstíl! Et 6 máltíðir um dagin! Tú tekur ikki 5 kg uppá uppá onga tíð. Tú mást arbeiða fyri at fáa tað av aftur! Ikki, um tú hevur eina super góða forbrenning, men tú sært mín point.

Ert tú virkiliga klár/klárur yvir alt tað ósunna, sum tú etur?! Um ikki, ger eina matdagbók, so finnur tú útav tí. 

Eg havi tað nógv betur við meg sjálva. Eg eri glaðari og sjeikurin er eisini glaðari. Eg eri blivin klænri. Eg eri blivin fastari og eg eri farin  1-2 støddir niður í klæðum. 
Eg havi arbeitt hart fyri hetta og tað er tað vert! :D  

Takk fyri, at tú læs mín blogg :) 

Vónandi fekst tú íblástur til at liva betur og at vera sunnari :)
Spyr endiliga, um tú hevur onkran spurning :)

@solmunde

-25% í Glimmur

Ein kann aldrin eiga nokk av bling bling... :)

Í morgun fekk ein vinkona lokka meg við í handilin Glimmur á gongugøtuni í Havn. Í byrjandi hugsaði eg, at eg ikki burdi fari, men so helt eg, at tað ikki var neyðugt at keypa nakað. So fóru vit. 

Eg var ikki meir enn komin inn í handilin, tá eg hevði hug at venda út aftur. Tað var so "órudduligt" (í okkara eygum)! Tað var lítið yvirblikk og eg mátti konsentrera meg væl, tá alt var laga útyvir hvørt annað. Anyway eg gekk so har spakuliga og hugdi, kom so framm á okkurt, sum eg helt verða kul og okkurt, sum eg hevði ynskt mær. Og allatíðina hevði eg í tonkinum, at alt var -50% (dumma eg!). Eg fór til kassan, áðrenn eg fann nakað annað, sum mær dámdi og læt okkum bara siga, at ið keypt var, kostaði ikki lítið! :p 

Her eru so tingini, sum eg bleiv fátakari av ;) 

Kassadaman legði alt í hesu fínu papírsposarnir.

1 par av klassiskum rundum oyraringum má man eiga.

Hesir helt eg var kulir og raw. Teir eru silvur.

Hesir eru eisini kulir og raw, men av tí at teir eru "gull", eru teir 1 sindur fínari.

Eina tílíka hálskedu havi eg vilja havt leingi, men havi faktiskt ikki unna mær at brúkt fleiri hundra krónur uppá. Tí stóð eg til.

Hendan hálskedan er mega kul og raw, men allíkavæl fín.

Eg keypti ein gávu eisini, men eg fari ikki at vísa hana.

Takk fyri, at tú læs mín blogg:)

@solmunde

Ikki tíð ella orku til at keypa inn til náttara. Smekka okkurt lætt og skjótt saman 2

Eg var svong og hevði ikki verið til handils. So eg fór at hyggja, hvat vit áttu inni. So at siga tað einasta vit áttu, var hvítleyk, reyðleyk, gularøtur og pasta, so eg avgjørdi av gera eina suppu eftirsum at tað er so kalt í veðrinum. 

Uppskriftin:

1 stórt fet av hvítleyki

1 reyðleyk

3-4 gularøtur

200 g pasta

Vatn

Mjólk

1 grønmetis bótamola

2 høsnarunga bótamolar

Karry, salt og pipar. 

Eg byrjaði við at koyra smør í botnin á grýtuni og svitsa hvítleykin og reyðleikin saman við karry. Sker gularøturnar í tunnar skivar og koyr í, síðani vatn, mjólk og bótamolarnir. Eg kókaði pasta við síðinanar av, tí at annars sukar pastaði vatuna í seg. Sera nemt og smakkar væl :)

Takk fyri, at tú læs mín blogg :)

Hav ein góðan dag. 
@solmunde

Hugskot til nýggjars makeup og hár (2013)

So er nýggjárið her og tá er grund til at gera seg ordiliga til.

Av tí at eg havi havt so nógv at gjørt, fái eg ikki avgjørt, hvat og hvussu. 

Tá eg hugsi um nýggjárið, hugsi eg ofta um litirnir silvur, glimmur og svart. Í mínum huga er jól heitar litir og nýggjárið kaldar litir.

So eg tók tað lítla úrvalið, sum eg hevði uppi á mær og setti meg at spæla. Hetta er tað, sum eg endaði við. 

Tíverri hevði eg ikki falskar vippur. Tað hevði verið hóskandi í hesum føri.

Av tí at makeupi er kalt, vildi eg hava rocker chick hár við eitt sindur av glam, glam being the curls.

Takk fyri, at tú læs mín blogg :) 
Hav ein góðan dag. 
@solmunde