Longsti gongutúrur í ár

Fyri nøkrum vikum síðani fóru nøkur av okkum suður, og av tí at Babba skuldi koma heim vikuna eftir, avgjørdu systi og eg, at vit skuldu gera 1 sindur reint. Tað er altíð gott at koma heim til eitt reint og rudduligt heim :)
Tá ið ein tíð var farin og eg hevði gjørt alt, sum eg ætlaði mær, tímdi eg ikki at sita á reyvuni. So eg spurdi systi, um vit skuldu fara ein gongutúr til Hovs. Fyrst segði hon nei, men eg fekk yvirtala hana og tað skuldi faktist ikki nógv til :)

Túrurin byrjaði við Høllina í Trongisvági og veðrið var sera gott og vakurt. Klokkan var 15.47, tá ið vit fóru og eftir at  hava gingið eina løtu, kom eg í tankar um, at vit ikki høvdu endurskin á okkum :( Farturin var góður at byrja við, men so við og við dovnaði systi, tí at hon er tíverri ikki tann mest aktivasti persónurin ;) Tá ið myrkt bleiv, gingi vit uttanfyri linjurnar og ansaðu væl eftir. 
Komnar til gomlu støðina hjá Ketty, kom eg í tankar um at tað plagdu at vera gæs á Gálganum, og tað hopaðu vit also ikki, tí at vit ræðast gæs. Hepnar vóru vit :) Heldur ikki vóru neyt ;)
Tá ið vit nærkaðist tunnilinum, fór at kava og longur vit gingu, komu vit fram á ein knústan bil. Bilurinførarin hevði mist tamarhaldi á bilinum náttina fyri og bilurin lá enn í veitini. Mær vitandi vóru 4 mans í bilinum og tíbetur var lítið mansskaði. 
Eg merkti beinan vegin, at luftin inni í tunnilinum var tyngri og tað sigur seg sjálvt. Hvussu vistu vit, hvussu langt vit vóru komnar "hen ad vejen"? Jú, tað stóð á kassanum til eldsløkkjarinum, hvussu langt var hvønn veg :) Komnar hálvan veg í tunnilinum, hevði systi hug at gevast. Eg koyrdi í 5 gear, sum ein sigur og hevði hug at koyra á soleiðis, men eg vildi ikki fara undan henni. Eg segði við hana, at um hon klárði at ganga til Hovs, skuldi eg gjalda hennara pizza tað kvøldi, og tá fóru farturin frá 2 gear til 5 gear. Hon leggur so afturat, at vit burdu vita, um vit kláraði tað innan 2 tímar. 
Túrurin endaði við skilti við innkoyringina til Hov og hann tók akkurát 2 tímar. Leggjast afturat skal, at vit møttu Maluni inni í tunnilinum og har bleiv prát 1 sindur, og at vit runnu tað seinast stykki fyri at klára tað. 
Eg var væl nøgd og stolt av okkum :) Hesin túrur fær meg til at vilja fara fleiri langir túrar, men hetta er kanska ikki besta ársinstíð ;)

Tað var so ringt ljós, at tað var ógjørligt at fáa eina góða mynd.

Damsel in distress... 1 sindur av skemt á vegnum :)

Vit báðar :)

Her er farturin í topp :p

Endastatiónin! :)

Eg eri kedd av, at eg ikki tók fleiri myndir...

Eitt tollut filmklipp av okkum.

Takk fyri, at tú læs mín blogg :)
Hav ein góðan dag.
@solmunde

Ymsar myndir

Eg vil gjarna deila hesu vækru myndir við tykkum.

Hesar báðar fyrstu myndir er frá tá eg var á veg til arbeiðis eitt vikuskifti í oktobur og veðrið var so ótrúliga vækurt :)

Hesa myndnar tók eg, meðan eg var til arbeiðis :) Tiknar í Havnadali. Fyrra myndin var tikin um 15.45 tíðina. Á seinnu myndini var vatni fryst og at kasta steinar á ísin, gav eitt serligt ljóð, tí at ísurin brotnaði ikki :) 

Bilurin hevði staðid í nakrir dagar, og tá ið vit komu aftur frá Newcastle hóskvøldi í seinasu viku, tók eg hesa vækru myndina :)

Takk fyri, at tú læs mín blogg :) 
Hav ein góðan dag. 
@solmunde

Okkara fyrsta traditiónin í jólamánaðinum

Endiliga kom jólamánaðin! :D Tá er hugni, ljósa, prýði og traditiónir á skránni. Ein av okkara traditiónum er at gera havragrýnskøkur. Sjálvt um sjeikens ikki dámar tær nakað serligt, elski eg tær :) 
Systi og sjeikurin hjá henni komu forbí, og so fóru vit báðar í gongd. Vit gjørdu uppskriftina hjá mammu, sum faktist ikki var hennara, men er út Mat og Matger.

Her eru myndir :)

Hevur tú hug at gera hesa deiligu havragrýnskøkur, skalt tú brúka:

200 g margarin
2 koppar av melis
2 egg
2 1/2 kopp av havragrýn
2 1/2 kopp av mjøli
6 spsk av kakao
2 tsk av bakipulvur
2 tsk av mandildropum

Eld alt væl saman, rulla til smáir bóltar og flata við einum gaffli. 200 gradir í 8 min. Vælgagnist :)

Her er 1 av mínum yndis jólaløgum :)

Takk fyri, at tú læs mín blogg :)
Hav ein góðan dag. 
@solmunde