Mítt nýggjarlook (2014)

So eru vit komin í twenty14! :D Við tí fari eg at ynskja tær gott nýggjár. Vónandi komst tú eisini inn í árið við stíli! ;)

Eg ætlaði mær at leggja sama makeup á, sum eg vísti í seinasta bloggi, men eg átti einki silvur plagg, sum eg tímdi í og eg hevði ikki hug at fara í gull klæðir, og havi silvur á eygunum. So eg mátti finna uppá okkurt annað, og ikki tímdi eg út at keypa nýtt. Eg hevði heldur ikki so nógv við heimanífrá.

Tað endaði so við, at eg fór í eina myrkabláar cowboybuksir, svartan topp undir, gull topp yvir, svartan blazer, svartar wedgeboots og onga tasku. Tíverri havi eg ikki mynd av outfittinum, men eg havi av makeup, hárinum og oyraringunum.

Av tí at ein er úti á midnátt, visti eg, at eg fór at vera í húgvu. So eg gjørdi mær ikki so nógvan ómak við hárinum. Eg tímdi ikki heim aftur, at gera meg lidna, so úrslitið bleiv hetta.

Litirnir á eyguni vóru: 
golden peach, matt brúnt, brúnt við glansi, gull glimmur, silvur glimmur og heilt lítið av svørtum.

Oyraringarnir keypti eg í Newcastle ella í Danmark. Eg dámi teir ordiliga væl, tí at teir eru rock/glam.

Her er linkið til seinast blogg av árinum 2013:
http://asolmunde.blogspot.com/2013/12/nyggjars-makeup-og-har-look-2013.html

Eg hevði eitt super gott nýggjar! :D 

Takk fyri, at tú læs mín blogg :)

Hopi, at tú hevur eitt gott twenty14

@solmunde

Hugskot til nýggjars makeup og hár (2013)

So er nýggjárið her og tá er grund til at gera seg ordiliga til.

Av tí at eg havi havt so nógv at gjørt, fái eg ikki avgjørt, hvat og hvussu. 

Tá eg hugsi um nýggjárið, hugsi eg ofta um litirnir silvur, glimmur og svart. Í mínum huga er jól heitar litir og nýggjárið kaldar litir.

So eg tók tað lítla úrvalið, sum eg hevði uppi á mær og setti meg at spæla. Hetta er tað, sum eg endaði við. 

Tíverri hevði eg ikki falskar vippur. Tað hevði verið hóskandi í hesum føri.

Av tí at makeupi er kalt, vildi eg hava rocker chick hár við eitt sindur av glam, glam being the curls.

Takk fyri, at tú læs mín blogg :) 
Hav ein góðan dag. 
@solmunde

2 Páskadags makeup

Sum børn vóru vit altíð fínt ílatin og ótu góðan mat sunnudagar og heilidagar. Nú eru okkara sunnudagar sum oftast "vit gera einki í dag" dagar ;)

Nakrar fáa ferir um ári verður etið gás og nú var dagurin endiliga komin. Eftir sum tað var Páskir, vildi eg prýðast ;)

Eg ivaðist eina løtu í, hvussu eg skuldi leggja makeup. Skuldi tað vera myrk eygu og ljósar varrar ella ljós eygu og myrkar varrar? So kom eg í tankar um mína Suger Plum Fairy varrastift. Hana hevði eg ikki brúkt fyrr, tí at hon var nýggja.
Ljós eygu og myrkar varrar bleiv tað til :)

Soleiðis sá eg út áðrenn eg smurdi Sugar Plum Fairy á varranir :)

Tað sá nógv betur út í verðileikanum...

Takk fyri, at tú læs mín blogg :)
Eg hopi, at tú hevði eini góð Páskir :)
@solmunde

Skírishósdag 2013

Á Páskum skal man vera saman við familjuni, um tú spyrt meg...

Skírishósdagurin byrjaði væl :) Sólin skein, morgunmaturin fór niður um, bilurin var pakkaður, ein skjótan kaffimunn og síðani var fari avstað :)

Komi suður, fóru vit til mítt barndómsheim við Bibb og eftir systi, tí at vit skuldu til sviger at eta døgurða.

Tann fyrsta vit møttu var fitta Rifa :) Hon er altíð blíð og tekur væl ímóti okkum :)

Ein stuttlig mynd av henni :)

Vit fóru 7 fólk til døgurða og á matskránni var lambakjøt, sum altíð er gott. Eftir at vit vóru mett og væl sett, sótu vit eina løtu og prátaðu um heitari lond. Tað var sera hugnaligt :)

Síðani avgjørdu systi og eg, at fara norður aftur at hyggja at dystinum ímillum TB og NSÍ við Stórá og eg komi við tí geniala hugskotinum, at fara uppá takið at hyggja :) Eg lat meg í troyggju og termodrakt hjá Babba, húgvu hjá systi, hevði teppi og termokopp klárt at taka við.
  
Sum barn plagdi vit at fara út á takið via vindeyganum í kamarinum hjá bróður, men eg eri tíverrri ikki líka lítil og nett, sum eg havi verið og vindeyguni eru eisini nýggj. Men haraftur ímóti er systi "lítil" og nett, so hon fór at royna seg :) Eg má siga, at eg var um at skrædna av grin! :)

Langt um leingi kom hon út og hon var so móð av at flenna :)

Nú var mín túrur! Eg fór ikki at fara út gjøgnum vindeyga, tá systi akkurát slapp út. So eg fór í bilhúsi eftir einum stiga og setti hann á trappuna. 

Systi var klár at taka myndir av mær! :p

Termokopp við :)

Here we go! :p

Eg kundi ikki flyta stigan longur út, annars hevði hann koppað. Tað bleiv eitt sindur trongt hjá mær og eg vildi ikki oyðileggja buksurnar! :P Systi var um at doyggja av grin! 

Gott útsýnið, tó síggja vit ikki allan vøllin og málið...

Har var hugnaligt at sita... Hevði eg bara minst til sólbrillurnar ella ein kepp!

Seinni á kvøldi bleiv eg svong, so eg avgjørdi at gera mær suppu. Eftirsum vit ikki fingu tíð at keypa ordiligt inn, mátti eg brúka tað, ið var inni. 

Í suppuna fór:
Kóka vatn, grønmetisbótamoli, høsnarungabótamolar, piparfrukt, gularøtur, leykur, hvítleykur, pasta, karri, salt, pipar og flutes afturvið.

Systi fekk vitjan og gestirnir vildu gjarna royna suppuna eftirsum hon luktaði so væl. Eg gjørdi tíverri ikki nógva suppu :( 

Guðri, systi og Aster eta suppuna. Rani kom seinni og fekk eisini 1 sindur.

Guðri og Aster vildu geva mær stig fyri suppuna, akkurát sum í Til MIddag Hos o.s.fr. Tær spurdu eisini Rana, sum vildi verða við. Tær báðar góðu mær 10 út av 10 stigum og Rani gav mær 7, tí at hann ikki bleiv mettur! Alt bleiv etið! :)

Takk fyri, at tú læs mín blogg :)
Eg hopi, at tú hevði eini gleðilig Páskir :)
@solmunde

Føstalávint 2013

So er aftur tíðin komin, har vit hugna við ósunnum, keypa inn til grýlur og lata okkum í alt annað enn vanligt klæðir :)

Í ár havi eg gjørt eitt annað slag av føstalávintsbollum enn eg gjørdi í fjør. Kanka tú minnist mín blogg frá Damnarks túrinum í 2012, har systi og eg fingu føstalávintsbollar frá sysknabarninum. Teir smakkaðu super gott :) Eg havi spurt sysknabarni um uppskriftina og hon var so fitt at geva mær hana. Teir eita Chocolade fastalavnsboller :)

Sjálvandi fór sjokuláta omaná :)

Leygarkvøldi vóra vit á Grýluveitslu. Har var lekkurt matur, søla av lutaselum, tunnusláing, dansur og ársins grýla. Ársins grýla vann eitt gávukort uppá 2500 kr frá Atlantic Airways, og hendan vinning vildi eg gjarna vinna :) 

Fyrr í vikuni avgjørdi eg, at eg vildi vera ein brotin dukka. Dukkuklæðir eru tíverri ikki nemm at finna, so eg fór at leita ígjøgnum míni klæðir og kom framá ein bláan summar kjóla sum eg keypti frá H&M í 2010. Eg helt, at hann kundi brúkast, men var ikki serliga áhugaverdur. 

Eg hevði ein lítlan hjálpari :) Hann er soo fittur :*

So eg fór at leita víðari fyri at vita, um eg fann okkurt áhugavert at seyma á kjólan og eg fann blondir og silkiband :) 

Tað var alt ov bert at vera í bara kjólanum, so eg hevði lánt ein hvíta t-shirt (nei, eg eigi onga hvíta t-shirt!) 
Eg tímdi ikki at hava ber bein, so eg keypti eina hvítar blonduleggings í Miklagarði (fyri 99 kr!! Tað var enntá tilboð). 

Silkibandi koyrdi eg um miðuna og um rotthalinum :)Hárið bleiv krúlla.
Á neglirnar smurdi eg ljósareytt neglalakk :p

Sjeikens segði við meg áðrenn vit fóru út: "Við hasum vinnur tú einki góða. Eg hevði vænta meir av tær". Rætt hevði hann, tí at eg vann ikki... Oh well, tað verður betri næsta ár :)

Eg gloymdi alt um at taka mynd av mær sjálvari :( Hetta er tann einasta eg tók :o

So tú mást bara gleðast við hesar heilt fáu myndirnar, sum eg tók :/ Ikki øll vildu vera við í blogginum :/

Hesin fitti maðurin hevði avgjørt, at hann skuldi ikki ílatast í ár, men broytti síðani meining hjá okkum. So eg fór í skápi at finna okkurt til hann. Har fann eg ein reyðan kjóla, stay-up neilonsokkar og ein gamlan bh :)

Vinnmaður hjá honum hevði eisini hug at lata seg í okkurt, so hann lánti eisini ein kjóla frá mær :p 

Aftaná borðhaldi bleiv innrás heima hjá okkum og tað bilaði ikki petti. Eg var bara ikki fyrireika uppá tað. Tíbetur hevði sjeikens keypt chips og dipp fyrr um dagin :) Her gjørdu fólk seg kláran til grýludansin og ársins grýlu. Skeg at síggja, hvat fólk funnum uppá. Eg má siga, at fólk vóru kreativari enn eg hevði væntað :) 

Eg eri kedd av, at eg ikki tók fleiri myndir :(

Takk fyri, at tú læs mín blogg :)
Hopi, at tú hevði ein góðan føstalávintsdag.
@solmunde

Okkara fyrsta traditiónin í jólamánaðinum

Endiliga kom jólamánaðin! :D Tá er hugni, ljósa, prýði og traditiónir á skránni. Ein av okkara traditiónum er at gera havragrýnskøkur. Sjálvt um sjeikens ikki dámar tær nakað serligt, elski eg tær :) 
Systi og sjeikurin hjá henni komu forbí, og so fóru vit báðar í gongd. Vit gjørdu uppskriftina hjá mammu, sum faktist ikki var hennara, men er út Mat og Matger.

Her eru myndir :)

Hevur tú hug at gera hesa deiligu havragrýnskøkur, skalt tú brúka:

200 g margarin
2 koppar av melis
2 egg
2 1/2 kopp av havragrýn
2 1/2 kopp av mjøli
6 spsk av kakao
2 tsk av bakipulvur
2 tsk av mandildropum

Eld alt væl saman, rulla til smáir bóltar og flata við einum gaffli. 200 gradir í 8 min. Vælgagnist :)

Her er 1 av mínum yndis jólaløgum :)

Takk fyri, at tú læs mín blogg :)
Hav ein góðan dag. 
@solmunde