Ikki tíð ella orku til at keypa inn til náttara. Smekka okkurt lætt og skjótt saman

Summir dagar er ein ikki heilt, sum ein plagar at verða...

Eg hevði fúla høvuðpínu í kvøld, tá ið eg kom heim og tað endaði við, at eg ikki orkaði at gera døgurða. Eg legði meg á hitapútuna í umleið tveir tímar, so var eg klár. Eg hevði ikki tikið nakran døgurða upp og eg tímdi ikki at eta tað sama páleggið, sum eg hevði gjørt tann dagin.
So eg tók tað framm, sum eg helt kundi brúkast. Eg fór at gera eina eggjakaku. Eg kundi hugsað mær ymiskt annað at koyra í, men eg tímdi ikki út aftur.

Her er uppskriftin uppá hesa heimagjørdu eggjakaku (vurdering).

3 egg
1-2 dl mjólk
1/3 leyk
2 spsk sweet chilli sauce
1/4 piparfrukt
fetaost
citróngras
salt
pipar

Eg lat hana simra eina løtu, so setti eg pannuna inn í ovnin, so at toppurin skuldi fáa sítt. Aftur við hevði eg 1 breyðstykki. Hetta var nummar 3. Mær dámdi eggjakakuna og eg fari at gera hana aftur. Hon var eitt sindur sterk og tað er tað góða fyri meg. Hevði eg átt Tex Mex rivnan ost inni...

Takk fyri, at tú læs mín blogg :)
Hav ein góðan dag.
@solmunde

Heimagjørdar matpannukøkur (tortillas)

Eg elski at royna nýggjan mat! :)

Eg hyggi ofta eftir matsendingum og dámi væl at fáa íblástur. Hesu fer var tað heimagjørdar várrullir gjørdar úr ríspapír (haldi ikki, at ein kann keypa í Fø). eg hevði heldur hug á heimagjørdum matpannukøkum. Uppskriftina fekk eg á arbeiðsplássinum og kann ikki siga annað enn, at hon er nógv betur enn pk av tortilla, sum ein kann keypa í handlum.

Dagin eftir fór eg at keypa inn og gjørdi heimagjørt tortilla til húski. 

Til høvdu vit:

Reyðleyk

Rucola salat

Mais

Piparfrukt

Agurk

Rivnan Texmex chili ost

Thousand Island Dressing

Sweet chili saus

Høsnarunga

Og aftur við høvdu vit Cheese Tortilla Chips (frá FK Hoyvík, 21,96 kr).

Grundin til, at pannukøkurnar síggja soleiðis út, er tí at eg brúkti bara grahamsmjøl.

Uppskriftin er sera einføld og nemm, og eg vil deila hana við tær :)

Tilfar:

250 g mjøl

4 egg

2 dl mjólk

2 dl vatn

2 spsk olju

1/2 tsk salt

Jum jum, tað smakkaði væl! :D Hetta verður gjørt aftur :)

Takk fyri, at tú læs mín blogg :)

Hav ein góðan dag.

@solmunde